Längtans dörrar
Fem människor öppnar dörren till ett minne. En gryta, en kopparskål, en badsvamp av luffa – och ett helt liv bakom varje föremål.
Kad k-sochrfina l-it’wothe d-u regro u k-maqshina ‘alaye mshabro, k-mochfina neqfoth d-it’wothe d-ne stire, g-d’ife u shchife. Athi l-gaw, k-fayshi ad-droboth – ez-zar’otho d-chaye chrane. Emkan mishane m-u ‘abro d-u sabno un ho’en mnan d-u ‘abro, elo b-u quro shoqo reno k-m’awdi l-ich-chaye.
”B-u quro shoqo reno k-m'awdi l-ich-chaye.”
Athin b-halchoth mhaylaye, yaqure m-u ‘abro d-‘asroyuthe b-uz-zoruthe u m-droboth d-lay’kuth mfliti m-i lebe tayye. Maqshlan mshabro ‘al it’wothe d-u regre d-ithne, u ad-duchrone shrayro l-ircho sofe u qdiro – emkan b-gumcho chamo, emkan b-dmo’e d-shaliye msharay l-ircho.
Rahil .. k-motyo hal hoshu ‘ame e-monoth d-ida d-nasele m-Suriya m-arbe’i shne. Kule naqla d-k-eza l-i ‘ito, k-ozina ‘ame – lo bas aykan monoth d-st’malo, elo aykan duchrone chayye m-baytho d-fleshle mshabro.
Hasiba .. k-mchawyo b-fshito qedro fshito. L-idaz, hano l-ayko qimto. K-machofral laidaz i chmothe, d-wa k-st’malo d-satro e-dawo l-u quro mqa’ro wa d-shafra l-u shuqo l-izobano. B-e-zure d-mze’re, i ‘ayltho qadra wa d-moyo l-u abno i forsato d-yurof b-i gomi’o. B-u qedro hano layko bas mono, elo sthe drofyo d-mshabro d-msayro, chubo u sabro.
Munira .. k-mchayo guchmo kad k-saymo ‘al i thorutho luffa (lifa). E-renoth k-ozin fesh l-i emo, d-yalfele i shafulthoz. B-idothoz ‘melle luffat sagiye, d-hawi mehofthe l-irchome u l-onaye d-wa k-rechmo – monoth zure mlayye m-duchrono u chfufutho.
Fikri .. k-msh’al b-fachro kasa d-nechos. L-idez, hano reza d-i ‘ayltho u d-i shafultho d-ayltho b-Midyath b-Turkiya – i art d-mchawro monoth d-nechos, shafultho d-faysho mchakmo bas m-e-shne chikothe d-u folqono Seyfo.
Bahiya .. k-sofro duchrono m-i qlubthoz b-u shetho d-1963: qet’o d-kithano mtarzo b-shemoz u b-shemo d-i qliboz. Elo kad k-morfyo i idoz l-i qdolayto d-k-motyo ‘al i qdoloz, i chzithoz k-mchalfyo. U smoqo hano shafro m-i emoz d-mitle. Hano wa d-e-melothe k-shotfi u dme’tho ichidoyo k-mrofyuto maysho d-lo qdro d-mubro.
Text: Malkon Malkon
